ԱՐՄԵՆՊՐԵՍ
«Մաթեմատիկա» առարկայից դիմորդները միասնական քննություն կհանձնեն հունիսի 11-ին: «Արմենպրես»-ի հետ զրույցում Գնահատման եւ թեստավորման կենտրոնի արտաքին համագործակցության բաժնի պետ Արա Իսպիրյանը նշեց, որ քննություններին կմասնակցի մոտ 7000 դիմորդ: «Մաթեմատիկա» առարկայի համար hանրապետությունում ձեւավորվել են 30 քննական կենտրոններ, որոնցից 10 տեղակայված են մայրաքաղաքում:
Հաջորդ քննությունը դիմորդները կհանձնեն հունիսի 14-ին օտար լեզուներից, 18-ին` «Ֆիզիկա» եւ 21-ին «Հայոց պատմության» առարկայից: Այս տարի դիմորդների թիվը շուրջ 15 հազար է:
Լրացուցիչ քննությունները կանցկացվեն հուլիսի 2-ին: «Քննությունների առաջին փուլին բացակայած այն դիմորդները, ովքեր կհիմնավորեն իրենց բացակայությունը հիվանդության պատճառով, իրավունք կունենան վերահանձնելու»,- ավելացրեց Իսպիրյանը: Երկրորդ փուլում իրավունք ունեն մասնակցել նաեւ բանակից զորացրված, միջին մասնագիտական հաստատություններում եւ քոլեջներում սովորող, ինչպես նաեւ արտասահմանից եկած հայ դիմորդները:
