Մայնի Ֆրանկֆուրտում ձերբակալված՝ լրտեսության մեջ կասկածյալներից մեկը ՀՀ քաղաքացի է

Ինչպես հունիսի 21-ին ծանուցեց Գերմանիայի հեռուստատեսության առաջին ալիքի՝ ARD-ի «Օրվա համայնապատկեր» (Tagesschau )լրատվականը՝ հղում անելով Գերմանիայի դաշնային դատախազությանը, չորեքշաբթի օրը Մայնի Ֆրանկֆուրտում ձերբակալել են երեք անձանց, որոնց կասկածում են օտարերկրյա գաղտնի ծառայություններից մեկին աշխատակցելու, լրտեսության մեջ:

Նրանք Գերմանիա են եկել տեղեկություններ հավաքելու: Ըստ դատախազության ծանուցման, կասկածյալների մասին ոստիկանությանը հաղորդել է թիրախավորված անձը, երբ նկատել է, որ հետեւում են իրեն, զգացել սպառնալիքը: Կասկածյալները Մայնի Ֆրանկֆուրտի սրճարաններից մեկում տեղեկություններ են հավաքել, հետեւել են նույն վայրում գտնվող իրենց թիրախին, որ Ուկրաինայից է, բնակվում է Գերմանիայում:

Երեք կասկածյալներից մեկը Հայաստանի, մյուսը՝ Ուկրաինայի, երրորդը Ռուսաստանի քաղաքացիություն ունեն: Նրանց կալանավորել են:

 Ինչպես t-online լրատվականն է հաղորդում, կալանավորվածների անուններն են Ռոբերտ Ա., Վարդգես Ի. եւ Արման Ս. , որ հուշում է, թե լրտեսության մեջ մեղադրվողներն ամենայն հավանականությամբ հայեր են:

Դատախազությունը չի պարզաբանում, թե որ երկրի գաղտնի ծառայությանն են տեղեկություններ տրամադրել, սպասարկել կալանավորվածները:

Ավելին այս պահին հայտնի չէ:

ԱՆԱՀԻՏ ՀՈՎՍԵՓՅԱՆ, Գերմանիա

Հետևեք մեզ նաև Տելեգրամում։