Այս փուլը վերակազմակերպվելու փուլ է, համաժողովրդական դարձնելու փուլ է։ Ես Ձեզ վստահեցնում եմ՝ մենք հասնելու ենք մեր երազած հաղթանակին. այսօրվա հանրահավաքին ասաց Բագրատ Սրբազանը։
Շաբաթ օրը մեծ երիտասարդական հավաք ենք ունենալու: Տեղի է ունենալու մեծ հանդիպում մեր երիտասարդների հետ. պարզապես խելառների ու խենթերի հավաք։ Այս մասին այսօր Բաղրամյան պողոտայում «Տավուշը հանուն հայրենիքի» շարժման հանրահավաքի ժամանակ ասաց Բագրատ Սրբազանը:
«Մեր պայքարը նոր թափով, նոր ավյունով, նոր եռանդով, նոր կերպերով, նոր եղանակներով ու նոր դեմքերով շարունակվելու է» ,-նշեց նա՝ միաժամանակ նշելով, որ հսկայական դիրքեր են հիմա հանձնվում Ադրբեջանին։ Այս աղետը շարունակվելու է, հայրենիք հանձնելու գործընթացը չի կանգնելու:
Սրբազանը նաև հայտնեց, որ առաջիկա օրերին ծրագրում է գնալ շրջաններ, նաև այն վայրերը, որտեղ ծառայել է։
Հետևեք մեզ նաև Տելեգրամում։
