Գեղարքունիքի մարզի Սարուխան գյուղից մոտ 7 կմ հեռավորության վրա՝ դաշտային հատվածում կայծակնահարության հետևանքով մահացած կինը 59 տարեկան էր: Այս մասին հայտնում է ՆԳՆ փրկարար ծառայությունը: ՆԳՆ-ից հայտնում են նաև, որ կայծակնահարված մյուս երկու քաղաքացիների՝ 63-ամյա Ա. Ս-ի և 42-ամյա Վ. Ի-ի առողջական վիճակը գնահատվել է բավարար:
Ավելի վաղ հայտնել էինք, որ այիսի 28-ին, ժամը 12։37-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կարմիրգյուղ և Սարուխան գյուղերի միջնամասում՝ դաշտային հատվածում, տեղի է ունեցել կայծակնահարություն, ինչի հետևանքով տուժել է 3 քաղաքացի. Կանանցից մեկը մահացել է, երկուսը տեղափոխվել Բժշկական կենտրոն:
