Բաքուն վրդովված է Ֆրանսիայի ներքին գործերի նախարար Ժերար Դարմանինի հայտարարություններից
Մենք կտրականապես մերժում ենք 2024 թվականի մայիսի 16-ին France 2 հեռուստաալիքին տված հարցազրույցում Ֆրանսիայի ներքին գործերի նախարար Ժերար Դարմանինի կողմից մեր երկրի, ինչպես նաև Ադրբեջանի և Նոր Կալեդոնիայի ղեկավարների ենթադրյալ հարաբերությունների մասին վերջին անհիմն կարծիքները։
Ինչպես հաղորդում է ադրբեջանական ԱՊԱ-ն , այս մասին ասված է ԱԳՆ մամուլի ծառայության ղեկավար Այխան Հաջիզադեի մեկնաբանության մեջ՝ Ֆրանսիայի ՆԳ նախարար Ժերար Դարմանինի՝ France 2 հեռուստաալիքին տված հարցազրույցում Ադրբեջանին առաջադրված մեղադրանքներին ի պատասխան։
«Առաջին հերթին մենք ևս մեկ անգամ խստորեն դատապարտում ենք ֆրանսիական կողմի վիրավորական հայտարարությունները Ադրբեջանի հասցեին և պահանջում դադարեցնել զրպարտչական արշավը այնպիսի անընդունելի մեղադրանքներով, ինչպիսին է հայերի զանգվածային սպանություններ իրականացնելը։
Ավելի նպատակահարմար կլինի, որ Ֆրանսիայի ներքին գործերի նախարարը հիշի, որ իր երկիրը մարդկության դեմ հանցագործություններ է կատարել բնիկ ժողովուրդների դեմ և միլիոնավոր անմեղ մարդկանց դաժան սպանություններ՝ որպես իր գաղութատիրական քաղաքականության մի մաս»,- ասվում է մեկնաբանության մեջ։
«Փոխանակ Ադրբեջանին մեղադրելու Նոր Կալեդոնիայում անկախության կողմնակիցների ցույցերին աջակցելու համար, Ֆրանսիայի ներքին գործերի նախարարը պետք է կենտրոնանա իր երկրի ձախողված արտաքին քաղաքականության վրա, որը հանգեցնում է նման բողոքի ակցիաների:
Մենք ևս մեկ անգամ կոչ ենք անում Ֆրանսիային դադարեցնել անհիմն մեղադրանքները մեր երկրի հասցեին»,- ասել է ԱԳՆ ներկայացուցիչը։
