Հունաստանի, Կիպրոսի եւ Իսպանիայի բանկերը սնանկացումից հաջողվել է փրկել եվրոպացի հարկատուների միջոցներից 90 մլրդ եվրո ծախսելու շնորհիվ: Ըստ որում, այդ գումարից 35 միլիարդը հնարավոր կլիներ խնայել, եթե օգնության բաշխման ժամանակ սխալներ թույլ չտրվեին: Այդ մասին գրում է գերմանական «Զյուդդոյչե ցայտունգ» թերթը: Հրատարակությունը վկայակոչում է Բունդեսթագի «կանաչների» խմբակցության պահանջով Finpolconsult հաստատության անցկացրած հետազոտության տվյալները, նշելով, որ ավանդատուներից շատերը օգտվել են քաղաքական գործիչների դանդաղկոտությունից եւ բանկերից հանել են իրենց փողերը:
Մասնավորապես իսպանական Bankia դրամատնից «անհետացել էր» երկու միլիարդ եվրո, եւ հարկ եղավ այդ գումարը փոխհատուցել հարկատուների հաշվին: Հունական բանկերից ընդհանուր առմամբ հանվել էր 1,3 մլն եվրո:
