Ադրբեջանի պաշտպանության նախարար Զաքիր Հասանովը խորհրդակցություն է անցկացրել, որտեղ ուսումնասիրվել է ստեղծված օպերատիվ իրավիճակը Հայաստանի հետ Ադրբեջանի սահմանին, պաշտոնյաներին հանձնարարվել է պահել զորամասերի մարտական պատրաստվածության, նրանց ծառայողական-մարտական գործունեության կատարելագործման բարձր մակարդակը, տեղեկացրել են ադրբեջանական ԶԼՄ-ները։
Տեղեկացվել է, որ Հասանովը «նշել է իրական մարտի պայմաններին համապատասխան իրականացվող զորավարժությունների եւ գործնական պարապմունքների ինտենսիվության հետագա բարձրացման կարեւորությունը՝ ժամանակակից զենքի, տեխնիկայի եւ այլ մարտական միջոցների կիրառմամբ»։
«Պաշտպանության նախարարը պաշտոնյաներին կոնկրետ առաջադրանքներ է տվել՝ կապված զորքերի ծառայության կազմակերպման բարձր մակարդակին եւ գաղափարախոսական աշխատանքին հատուկ ուշադրություն դարձնելու, զինծառայողների սոցիալ-կենցաղային պայմանների բարելավման, ինչպես նաեւ ինժերենային եւ բուժապահովման պատշաճ միջոցների ընդունման հետ»,- գրել են ադրբեջանական ԶԼՄ-ները։
