Տարբեր ազգեր, այդ թվում նրանք, որոնց երկրում չի աճում ավոկադո, բայց այն կարելի է հեշտությամբ գտնել խանութներում ու շուկայում, հաճախ են սկսել այդ պտուղը ներառել իրենց ամենօրյա սննդակարգում, որովհետև այն շատ օգտակար է։ Այնուամենայնիվ, ավոկադոյի օգտակար հատկությունները չկորցնելու համար կարևոր է այն ճիշտ պահել: Հենց դրա մասին խոսել է սննդաբան Ժարովսկայան. գրում է RT-ն։
Նա նշել է, որ կեղևատված ավոկադոն պետք է ուտել նույն օրը, քանի որ կեղևը հեռացնելուց հետո դրա մեջ ակտիվ օքսիդացման գործընթաց է սկսվում։
«Կեղևատված ավոկադոյի օքսիդացված ճարպերն ավելի շատ վնաս կհասցնեն, քան օգուտ։ Այդ պատճառով էլ հենց որ այն կեղևազրկեք, անմիջապես օգտագործեք, մի պահեք»,- ասել է բժիշկը։
Եթե ավոկադոն մութ տեղում դնեք, անցանկալի գործընթացը կարող է դանդաղել։ Այս մրգի պահպանման ժամկետը երկարացնելու մեկ այլ տարբերակ վակուումային փաթեթավորումն է:
