Աշխարհահռչակ երգիչ, դերասան Շառլ Ազնավուրը ելույթ է ունենալու Լոնդոնի «Ռոյալ Ալբերտ Հոլ» համերգադահլիճում, տեղեկացնում է «Արմինյն միրոր-սփեքթեյթր» շաբաթաթերթը:
Ութսունիննամյա լեգենդար երգիչը հրաժեշտ էր տվել բեմին, սակայն երիտասարդական ավյունով շարունակում է ժամանակ առ ժամանակ հայտնվել աշխարհի տարբեր համերգադահլիճներում: Անգլիայում նա չէր եղել վերջին 25 տարիներին:
Ազնավուրը ընդամենը օրեր առաջ մասնակցեց Երեւանում կայացած «Ոսկե ծիրան» կինոփառատոնին, որի բացմանը ցուցադրվեց նրա մասնակցությամբ «Կրակել դաշնակահարի վրա» ֆիլմը: 10-րդ հոբելյանական կինոփառատոնի մեկնարկը նշանավորվեց նաեւ իր անվան հրապարակում «Ազնավուրի աստղի» բացման արարողությամբ:
