44-օրյա պատերազմում զոհված զինծառայող Մխիթար Գալեյանի հոր՝ Գարիկ Գալեյանի առողջական վիճակն այս պահին բավարար է։ Այս մասին այսօր լրագրողների հետ հանդիպմանը տեղեկացրեց վերջինիս կինը՝ Աստղ Գալեյանը։
«Բուժման մեջ է, դեղահաբեր է ընդունում։ Խափանման միջոցի համար դեռ սպասում ենք, բողոքարկվել է Վերաքննիչ դատարան, դեռ օր չի որոշվել»,- ասաց նա։
Աստղ Գալեյանը միաժամանակ շեշտեց՝ ինքն ունեցել է իր երկրորդ որդուն և անհանգստանում է այն Հայաստանի համար, որտեղ պետք է մեծանա և դաստիարակվի իր մանկահասակ որդին։
«Ես ուզում եմ, որ իմ երեխան դաստիարակվի արժեքների վրա։ Ես ուզում եմ ապրել հայ՝ Հայաստանում, այլ ոչ թե ապրել Հայաստանում, բայց՝ որպես կրոնափոխ մեկը։ Եվ ես չեմ ուզում կորցնել իմ որդու շիրիմը։ Դա ինձ համար այսօր ամենաթանկն է»,- ասաց նա։
