Այդ մասին մարտի 6-ի համարում նշել է Կ. Պոլսո «Հայ Թերթ» կայքէջը: Սկզբնաղբյուրը «gazeteoksijen.com» էլեկտրոնային թերթն է: Թուրքական այս թերթը գրում է, որ շախմատի աշխարհի նախկին չեմպիոն Գասպարովին, որը ՌԴ նախագահ Պուտինի ընդդիմադիրներից է, 2014-ին Խորվաթիայի քաղաքացիություն էր ընդունել: Ռուսաստանը Գասպարովին, ըստ ակզբնաղբյուրի, ընդգրկել է ահաբեկիչների և ծայրահեղականների ցանկում, իսկ Ռուսաստանի Դաշնության «Rosfinmonitoring» ծառայությունը նրա անունն ավելացրել ինտերնետային ցանցում տեղադրված համապատասխան ցուցակում:
Այնուհետև «Rosfinmonitoring» -ը նշում է. «Հրեա հորից և հայ մորից սերող Ռուսաստանի քաղաքացի Գասպարովը 1985-2000 թթ. շախմատի աշխարհի չեմպիոն է եղել: 2005-ին հրաժեշտ տալով շախմատին՝ անցել է ՌԴ նախագահ Վլադիմիր Պուտինի ընդդիմադիրների շարքը: Որոշ ժամանակ արտասահմանում բնակվելուց հետո, 2014-ին ստացել է Խորվաթիայի քաղաքացիությունը:
«Օտարեկրյա գործակալների» ցանկում
Ուկրաինայի դեմ Ռուսաստանի սանձազերծած պատերազմից հետո Գասպարովը հակադրվել էր նախագահ Պուտինին՝ հանդես գալով «Ուկրաինայի դիմադրությունը Ռուսաստանի դեմ ռազմականորեն աջակցելու և ռուսական տնտեսությունը կազմալուծելու» կոչով։ Նա 2022 թ. մայիսի 20-ին ընդգրկվեց «օտարեկրյա գործակալների ցանկում»:
Հակոբ Չաքրյան
