Ամերիկայի հայկական համագումարը շուրջ 125 կոնգրեսականների նոր փաստաթուղթ ներկայացրեց Ադրբեջանի մասին: Եվ մինչ Կոնգրեսն այս շաբաթ պատրաստվում է հավանություն տալ Միացյալ Նահանգների արտաքին օգնության առաջնահերթություններին, Ամերիկայի հայկական համագումարն այցելել է շուրջ 125 կոնգրեսականների եւ առձեռն հանձնել համագումարի 2013 թվականի նոր մամլո հաղորդագրությունների փաթեթը, որը շեշտադրում էր ֆինանսավորման առաջնահերթությունները Հայաստանի ու Լեռնային Ղարաբաղի համար, ներառյալ Ադրբեջանի մասին Համագումարի նոր փաստաթուղթը: Իսկ այս տարվա սկզբին զեկույցները երեւան հանեցին այն, որ Ադրբեջանը կրկին շուրջ 200 անգամ խախտել է զինադադարը: Իսկ այս միջսահմանային հարձակումների մթնոլորտում հայտարարվեց, որ Ադրբեջանը Ռուսաստանից սկսել է ստանալ մեկ միլիարդ դոլար արժողությամբ նոր զինամթերք եւ սպառազինություն: Այդ պատճառով ճիշտ ժամանակին էր, որ մի քանի օր անց Եվրոպայի անվտանգության եւ համագործակցության հանձնաժողովը «Վրդովված գործընկեր. Ադրբեջանի աճող ավտորիտարիզմը» անվամբ լսումներ անցկացրեց: Ամերիկայի հայկական համագումարի փոխանցմամբ` լսումների ընթացքում Համագումարը հանդես է եկել կարեւոր խոսքով, որում մատնանշվում էին Ադրբեջանի ավտորիտար վարչակարգի բազմաթիվ օրինակներ` հիմնարար ազատությունների խախտումը, լրագրողների նկատմամբ իրականացվող հարձակումները, Ջուղայի հայկական հնադարյան գերեզմանոցի ոչնչացումը, Լեռնային Ղարաբաղի բանակցային գործընթացների շուրջն անհամերաշխությունը, միջամտությունը հայ-թուրքական հաշտեցման գործընթացներին, հսկայական ռազամական ծախսերը, որոնք 2011-2012 ֆինանսական տարում կազմել են շուրջ 6 միլիարդ դոլար եւ այլն: Իսկ Համագումարի գործադիր տնօրեն Բրայան Արդունին հայտարարել է. «Համագումարը խորապես մտահոգված է Ադրբեջանի անհամերաշխությամբ եւ շարունակական սպառնալիքներով Ամերիկայի դաշնակից Հայաստանի դեմ»:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական