Վարչապետ Տիգրան Սարգսյանը երեկ, անդրադառնալով այս տարվա տնտեսական աճի ցուցանիշների ապահովման խնդրին, առաջարկեց ձեռնամուխ լինել տնտեսական աճի ցուցանիշի քննարկմանն ըստ ճյուղերի եւ ոլորտների: Նախարարները հանձնարարություն են ստացել վերլուծելու իրենց ոլորտների տնտեսական աճը, որպեսզի կառավարության հաջորդ նիստն արդեն անդրադառնա այդ հարցին, մանավանդ որ ըստ ճյուղերի վեց ամսվա ամփոփ ցուցանիշներն արդեն հայտնի են: «Մենք պետք է կարողանանք գնահատել առկա ներուժն ու ապագա անելիքները, որպեսզի այս տարի եւս ապահովենք տնտեսական բարձր աճ: Մեր տնտեսության մեջ տեղի են ունեցել կառուցվածքային լուրջ փոփոխություններ, եւ մենք պետք է կարողանանք ի հայտ բերել այն բացասական միտումները, որոնք առկա են ըստ ճյուղերի, եւ ինչ քայլեր պետք է ձեռնարկենք, որպեսզի այդ ոլորտներում ապահովենք աճի տեմպեր: Պետք է պարզել նաեւ այն ոլորտները, որտեղ ունենք բավականին բարձր աճի տեմպեր, եւ թե ինչ քայլեր պետք է ձեռնարկենք, որպեսզի այդ աճի տեմպերը լինեն կայուն», ասաց վարչապետը:
Վերջին լուրեր
Վրաստանում նախագահ կընտրեն դեկտեմբերի 14-ին
Վրաստանի խորհրդարանը հաստատել է նախագահական ընտրությունների անցկացման օրը։ Ընտրությունները կկայանան դեկտեմբերի 14-ին, իսկ երդմնակալությունը՝ դեկտեմբերի 29-ին։ Վրաստանի նախագահը կընտրվի ընտրական...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական