Օդը լցնենք Տերյանի մեղեդիացած «Պտտվիր-պտտվիր, կարուսել» բանաստեղծությամբ
Վահագ Ռաշը Վահան Տերյանի ծննդյան օրը ներկայացրել է պոետի բանաստեղծության հիման վրա և Ալեքսեյ Հեքիմյանի երաժշտությամբ «Կարուսել» երգը` բլյուզային մեկնաբանությամբ։
«Ծնունդ, որ վերածնունդ ու կյանք էր բովանդակ ժողովրդի համար։ Խոսք, որ սիրտ, ուղեղ ու հոգի էր։ Գրիչ, որ անսահման ու կես բնություն էր։ Օրհնյալ է ծնունդն այն ԲԱՆԱՍՏԵՂԾԻ, որ որպես հավերժության սերմնացան` հավերժաբար ժայթքեց գրականության եղեգան փողից… Օդը լցնենք Տերյանի մեղեդիացած «Պտտվիր-Պտտվիր Կարուսել» գեղեցիկ բանաստեղծությամբ։ Ծնունդդ շնորհավոր, Նաիրյան Երկրի երգիչ ՎԱՀԱՆ ՏԵՐՅԱՆ»,- իր նոր երգը ներկայացնելով՝ ասաց Վահագն Ռաշը։
Գործիքավորումը` Կարեն Արզումանյանի
Միքս Մասթերինգ` Սերգեյ Գասպարյան
