ԿԳՄՍ նախարար Ժաննա Անդրեասյանը չչեղարկեց 7-րդ դասարանի «Հայոց պատմություն» դասագրքի կիրառումը, ոչ էլ հրաժարական տվեց, ինչպես պահանջում էին «Խոտանել խեղաթյուրված դասագիրքը» նախաձեռնության ներկայացուցիչները։
Այսօր նրանք հավաքվել էին նախարարության դիմաց՝ պնդելով իրենց պահանջները։
Պայքարը շարունակվում է, իսկ պայքարողների շարքերն ավելանում են։ Նրանք իրազեկման ակցիաներով տեղեկացնելու են մարդկանց, թե ինչ է մտադիր անել նախարարությունը, նոր սերնդին ստրկամիտ, թուլակամ դարձնելու ինչ քաղաքականություն է բանեցնում։
Միաժամանակ հավաքվելու են պահանջագրեր, որոնց հեղինակները ՀՀ քաղաքացիներն են, դրանք 2 շաբաթը մեկ գցվելու են ԿԳՄՍ նախարարության փոստարկղ, որպեսզի Ժաննա Անդրեասյանը կարդա ու տեսնի, թե ինչ է մտածում շարքային հայ քաղաքացին իր արտոնած դասագրքի մասին։
«Խոտանել խեղաթյուրված դասագիրքը» նախաձեռնությունը ծաղրանկարների մրցույթ է հայտարարել՝ «Դդումից՝ դդմիկ» թեմայով։
