Բաքվի բարբարոսական վարչախմբի քարոզչամեքենայի տարբեր «լրատվամիջոցներ» մեկը մյուսի հետևից՝ Ֆեյսբուքում և Տելեգրամում կարճառոտ գրառումս «հերքող» նյութեր են հրապարակել. տեղեկացնում է իրանագետ Վարդան Ոսկանյանը։
Նա մեկնաբանել է ադրբեջանական հարթակներում խաղաղության համաձայնագրի քողի տակ Հայաստանը մասնատելու՝ պաշտոնական Բաքվի նպատակներն ի ցույց դնող հրապարակումները։
Իրանագետը նշել է.
Մի կողմ թողնելով այն, որ դրանք ինձ բնորոշել են «Բաքվի դեմ սուր հայտարություններ հնչեցնող», ինչով փաստորեն հաստատել են, որ Ադրբեջան անունով կազմավորումն արհեստածին է կամ «Ադրբեջանի հանդեպ անհաշտ դիրքորոշում որդեգրած», փաստացիորեն նույնականացնելով արհեստածին Ադրբեջանը Բաքվի բարբարոսական վարչախմբի հետ, և կամ նույն տեքստում, հակասելով իրենց, մի հատվածում գրել են «իրանագետ ներկայացվող», իսկ քիչ անց նշել, որ ես «իրանագետ լինելով հասկանում եմ» և այլ տխմարությունները, հարկ է նշել, որ չկա գլխավորը։
Այդ «նյութերը» խզբզած գրչակներից պահանջվում էր անել ընդամենը մեկ բան. փաստել այն, որ Բաքվի բարբարոսսկան վարչախմբի գեթ մեկ պաշտոնյա հայտարարել է, թե ճանաչում է Հայաստանի Հանրապետության տարածքը թեկուզ 29.800 քառ. կիլոմետր չափով, ինչը բնականաբար չի արվել, որովհետև բարբարոսների շրջանում այդպիսին չկա։
Կարդացեք նաև՝ Հայաստանի քարտեզը՝ Բաքվի պատկերացմամբ
