Հայաստանի պաշտպանական ծախսերի ավելացումը խաղաղության նախապատրաստում է, ոչ թե պատերազմի․ Փաշինյան
Հաջորդ տարի Հայաստանի պաշտպանական ծախսերի ավելացումը խաղաղության նախապատրաստում է, ոչ թե պատերազմի․ ադրբեջանական լրատվամիջոցները մեջբերել են Նիկոլ Փաշինյանի՝ ԱԺ-ում այսօր արած հայտարարությունը։
Փաշինյանը հանդարտության կոչ արեց նրանց, ովքեր մտահոգված են Հայաստանի ռազմական բյուջեի ավելացմամբ։
Վարչապետի խոսքով՝ պաշտպանական ծախսերի ավելացումն ուղղված չէ Ադրբեջանի դեմ. «Սա պատրաստություն է խաղաղության, ոչ թե պատերազմի, քանի որ քաղաքացիների անվտանգության ապահովումը խաղաղության և կայունության կարևորագույն երաշխիքն է, մենք չենք պատրաստվում հարձակվել որևէ մեկի վրա։ Համոզված եմ, որ բոլոր հարեւան պետությունները նույնպես ըմբռնումով կընդունեն դա»:
Կառավարության ղեկավարը խաղաղության, այլ ոչ թե պատերազմի նախապատրաստումն անվանել է հաջորդ տարի, 2018 թվականի համեմատությամբ, պաշտպանական ծախսերի կրկնապատկում. «Ցանկացած ինքնիշխան պետություն ոչ միայն իրավունք ունի, այլև պարտավոր է հզորացնել իր բանակը»։
