Հայաստանի իշխանությունները այս մի քանի տարվա ընթացքում հասցրեցին ոչ միայն Արցախը տալ Ադրբեջանին, այլև դատարկել ու տալ Ադրբեջանին։ Սա, իրոք, իշխանությունների անմեղսունակության պատճառով է՝ քաղաքական ու դիվանագիտական դաշտերում։ Մեղավորությունը և պատասխանատվությունը նրանցն է։ Այլ մեղավորների չփնտրենք. ֆեյսբուքյան տեսաուղերձում ասաց նախկին արտգործնախարար Վարդան Օսկանյանը։
Նա շարունակեց.
Եթե մենք մեղադրում ենք Ադրբեջանին, որ պատերազմ է սանձազերծել, այո, սանձազերծել է։ Պատերազմը հետևանք է։
Եթե մեղադրում ենք Արևմուտքին, որ պատերազմի ժամանակ մեզ անտեսեց, արհամարհեց, դա հետևանք է։
Եթե մենք մեղադրում ենք Արցախի իշխանություններին, որ փաստաթուղթ ստորագրեցին՝ լուծարելու իրենց պետությունը, դա հետևանք է։
Երբ Նիկոլ Փաշինյանը հայտարարեց, որ արցախյան բանակցությունները զրոյական կետից է սկսելու, ակնհայտ էր, որ պատերազմ է սկսվելու։
Նոյեմբերի 9-ի փաստաթղթի հետքը, նշույլը գոյություն չունի։ Ի՞նչ միջանցքի հարց։ սա նույնն է, որ մենք գնանք, Վրաստանից միջանցք պահանջենք։
Եթե լիներ Լաչինի միջանցք, Արցախ՝ 120 հազար արցախցիներով, ես կհասկանայի, թե ինչու է Ադրբեջանը միջանցք պահանջում։ Միջանցքի պահանջը կլիներ Արցախի դիմաց։ Բայց եթե այսօր Արցախը դատարկել ու հանձնել եք թշնամուն, ի՞նչ միջանցք։
Կարո՞ղ է որևէ մեկը ինձ բացատրել՝ օրակարգում ինչո՞ւ կա միջանցքի հարցը։
Մանրամասները՝ տեսանյութում.
