Հաջիևը պատասխանել է Բորելին՝ Ադրբեջանը պատրաստ է բրյուսելյան եռակողմ հանդիպմանը
Ադրբեջանը պատրաստ է մոտ ժամանակներս եռակողմ հանդիպումներ անցկացնել Բրյուսելում՝ Ադրբեջանի, Եվրամիության և Հայաստանի մասնակցությամբ։
«X» սոցիալական ցանցում գրել է Ադրբեջանի նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
«Ադրբեջանը աջակցում է բրյուսելյան եռակողմ գործընթացին և տարածաշրջանային խաղաղության օրակարգին՝ Եվրոպական միության, Ադրբեջանի և Հայաստանի ներկայացուցիչների հանդիպման ձևաչափով՝ Եվրամիության խորհրդի նախագահ Շառլ Միշելի աջակցությամբ։ Այս համատեքստում Ադրբեջանը հանդիսանում է բազմաթիվ խաղաղ նախաձեռնությունների, այդ թվում՝ խաղաղության պայմանագրի կնքման նախաձեռնողը»,- նշել է Հիքմեթ Հաջիևը։
Նրա խոսքով՝ Ադրբեջանն իբր նաև աջակցում է երկկողմ ուղիղ երկխոսությանը և բանակցություններին, Բաքվի և Երևանի միջև հարաբերությունների կարգավորման գործընթացին, ինչպես նաև խաղաղության պայմանագրի ստորագրմանը։
Նշենք, որ Հաջիևի հայտարարությունից կարճ ժամանակ առաջ, Գրանադայում ԵՄ արտաքին քաղաքականության և անվտանգության հարցերով բարձրագույն ներկայացուցիչ Ժոզեպ Բորելը հույս է հատնել, որ Փաշինյանն ու Ալիևը կհանդիպեն Բրյուսելում։
Կարդացեք նաև՝ Բորելը Գրանադայում հույս է հայտնել, որ Փաշինյանն ու Ալիևը կհանդիպեն Բրյուսելում
