Ոստիկանություն հայտնել է, որ Վաղարշապատի համայնքային ոստիկաններն ապօրինի թմրաշրջանառության դեպք են բացահայտել:
Oգոստոսի 1-ին տեղեկություններ են փոխանցվել, որ Ոսկեհատ գյուղի բնակչի տան հարակից տարածքի տեսանելի վայրում նկատվել են կանեփի բույսեր։
«Նախաձեռնված քրեական վարույթի շրջանակներում հայտնաբերվել է 48 կանեփի բույս։ Կազմված փաստաթղթերն ուղարկվել են տարածքային քննչական բաժին։ Հանգամանքները նախաքննությամբ պարզվում են»,- հայտնել է ոստիկանությունը։
