Հեռախոսազրույց է տեղի ունեցել Ադրբեջանի արտաքին գործերի նախարար Ջեյհուն Բայրամովի և Իրանի ԱԳ նախարար Հոսեյն Ամիր Աբդոլլահիանի միջև։
Ադրբեջանի ԱԳ նախարարությունից APA-ին հայտնել են, որ հեռախոսազրույցի ընթացքում քննարկվել են Ադրբեջանի և Իրանի միջև հարաբերությունների ներկա վիճակը և հեռանկարները։
Նշվել է «երկկողմ ու տարածաշրջանային հարաբերությունների մի շարք ոլորտներում, այդ թվում՝ տնտեսական և տրանսպորտային նախագծերում երկու երկրների համապատասխան կառույցների և պաշտոնյաների միջև բանակցությունների և փոխադարձ շփումների կարևորությունը»։
Ընդգծվել է «երկկողմ օրակարգային հարցերի շուրջ բանակցությունների շարունակման ու դրանց լուծման կարևորությունը»։
Հեռախոսազրույցի ընթացքում մտքերի փոխանակություն է տեղի ունեցել «մի շարք բազմակողմ ու տարածաշրջանային հարցերի շուրջ»։
