Քանի որ առայժմ պաշտոնական որեւէ տեղեկություն չկա ՀՀ նախկին վարչապետ Տիգրան Սարգսյանի հետագա պաշտոնավարության մասին, մենք մեզ արտոնում ենք ենթադրություն անել ու ենթադրաբար հայտարարել, որ նախկին վարչապետը նշանակվելու է ՄԱԿ-ում (Նյու Յորք) Հայաստանի Հանրապետության ներկայացուցիչՙ դեսպանի կարգավիճակով: Մեր այս ենթադրության համար հիմք է ծառայում ոչ միայն ՀՀ նախագահ Սերժ Սարգսյանի հայտարարությունը, թե Տ. Սարգսյանը շարունակելու է իր աշխատանքը «մեր երկրի համար չափազանց կարեւոր» դեսպանի պաշտոնում, այլեւ այն տեղեկությունը, որ ՄԱԿ-ում Հայաստանի դեսպան Կարեն Նազարյանը օրերս վերադառնալու է Երեւանՙ 5 տարի տեւած պաշտոնավարումից հետո: (Տեսՙ ստորեւ):
Հիշեցնենք, որ այլ լրատվամիջոցներ, միշտ ենթադրաբար, Տ. Սարգսյանին դեսպան էին ուղարկել Բրյուսել, մինչդեռ ուրիշներ նրան ցանկացել էին տեսնել Վաշինգտոնում, Մոսկվայում եւ այլուր:
