Եվրոպական խորհրդի պաշտոնական կայքում տեղադրված է նախագահ Շառլ Միշելի առաջիկա օրերի հանդիպումների ժամանակացույցը։
Բրյուսելում շաբաթ օրը եվրոպական ժամանակով ժամը 19-ին տեղի է ունենալու Շառլ Միշել-Նիկոլ Փաշինյան հանդիպումը։ Եվրոպական խորհրդի նախագահի հանդիպումը Ադրբեջանի նախագահ Իլհամ Ալիևի հետ պլանավորած է կիրակի առավոտյան ժամը 9-ին։
Կեսօրից հետո՝ ժամը 13-ին սկսվելու է Շառլ Միշելի, Նիկոլ Փաշինյանի և Իլհամ Ալիևի եռակողմ հանդիպումը։
Բրյուսելյան բանակցությունների նախաշեմին իրավիճակը կտրուկ սրվեց հայ-ադրբեջանական սահմանին։ Կողմերը հաղորդում են զոհերի և վիրավորների մասին։
