2014-2015 ուս. տարվա ասպիրանտուրայի ընդունելություն
(Հեռակա ուսուցում, անվճար հիմունքներով)
| 1. | Համաշխարհային պատմություն | Է.00.02 | 1 տեղ |
| 2. | Դասավանդման եւ դաստիարակության մեթոդիկա /աշխարհագրություն/ | ԺԳ.00.02 | 1 տեղ |
| 3. | Դասավանդման եւ դաստիարակության մեթոդիկա /մաթեմատիկա/ | ԺԳ.00.02 | 1 տեղ |
| 4. | Հատուկ մանկավարժություն | ԺԳ.00.03 | 2 տեղ |
| 5. | Սոցիալական հոգեբանություն | ԺԹ.00.03 | 1 տեղ |
| 6. | Միջին մակարդակի տեսություններ, սոցիալական կառույցներ, սոցիալական ինստիտուտներ եւ գործընթացներ | ԻԲ.00.03 | 1 տեղ |
Ասպիրանտուրայի ընդունելության մրցույթին կարող են մասնակցել պետական եւ հավատարմագրված ոչ պետական բուհերի շրջանավարտներ, ովքեր ունեն մագիստրոսի կամ բարձրագույն կրթությամբ մասնագետի դիպլոմ, հանձնել են քննություն օտար լեզվից եւ համակարգչից օգտվելու հմտություններ առարկայի տարբերակված ստուգարք հաղթահարելով անցումային շեմերը:
Դիմորդները ներկայացնում են հետեւյալ փաստաթղթերը.
1. Դիմում համալսարանի ռեկտորին նշելով ընտրած մասնագիտությունը:
2. Մագիստրոսի կամ բարձրագույն կրթությամբ մասնագետի դիպլոմի եւ գնահատականների ներդիրի պատճենները, բացառությամբ այս տարվա շրջանավարտների, որոնց թույլատրվում է ներկայացնել ավարտական տեղեկանք:
3. Կադրերի հաշվառման անձնական թերթիկ, ինքնակենսագրություն եւ չորս լուսանկար (3×4 չափի):
4. Քաղվածք աշխատանքային գրքույկից (եթե դիմորդն աշխատում է):
5. Ռեֆերատ մասնագիտությունից առնվազն 20 էջի սահմաններում, մասնագիտական ամբիոնի կողմից գրավոր դրական գնահատականով:
Դիմորդները հանձնում են ընդունելության քննություն մասնագիտական առարկայից: «Բավարար» գնահատական ստացած դիմորդը զրկվում է ասպիրանտուրա ընդունվելու իրավունքից:
Մասնագիտական քննությունից հավասար գնահատական ստանալու դեպքում մրցույթն իրականացվում է հաշվի առնելով հետեւյալ ցուցանիշները ըստ հերթականության:
ա/ «Օտար լեզու» եւ «Համակարգչից օգտվելու հմտություններ» առարկաներից ստացած տարբերակված ստուգարքների գնահատականները:
բ/ Հրատարակված գիտական աշխատանքների քանակը:
գ/ Մագիստրոսի կամ բարձրագույն կրթության մասնագետի դիպլոմի ներդիրում գրանցված բոլոր գնահատականների միջինը:
դ/ Մագիստրոսական ատենախոսության կամ դիպլոմավորված մասնագետի դիպլոմային աշխատանքի պաշտպանության գնահատականները:
ե/ Միջազգային կամ հանրապետական ուսանողական առարկայական մրցույթներում, օլիմպիադաներում ստացած դիպլոմները կամ միջազգային գիտաժողովներում մասնակցությունը (զեկուցումները):
Փաստաթղթերն ընդունվում են հայտարարության հրապարակման օրից մինչեւ հոկտեմբերի 31-ը ներառյալ:
Ընդունելության քննությունները կազմակերպվում են 2014թ. նոյեմբերի 1-ից 10-ը:
Տեղեկությունների համար դիմել հետեւյալ հասցեով` Երեւան, Տիգրան Մեծի 17, 2-րդ հարկ, ասպիրանտուրայի բաժին, հեռ. 59-70-78
