Ադրբեջանի պարտավորությունն է հարգել Հաագայի դատարանի որոշումը. Ֆրանսիայի ԱԳՆ
Ադրբեջանը պետք է հարգի ՄԱԿ-ի Միջազգային դատարանի որոշումը։ Այս մասին հայտարարել է Ֆրանսիայի ԱԳ նախարար Կատրին Կոլոննան` ընդգծելով, որ անընդունելի է Լաչինի միջանցքի արգելափակումը:
1lurer.am-ի փոխանցմամբ, Կատրին Կոլոննան առաջնահերթ է համարել միջանցքի ապաշրջափակումն ու ազատ տեղաշարժի անհապաղ վերականգնումը:
Կոլոննայի խոսքով` դա Ադրբեջանի պարտավորությունն է, և օրենքը պետք է հարգվի:
Ֆրանսիան մասնակցում է ԵՄ առաքելությանը, որը վերաբերում է երկու երկրների միջև անվտանգության հարցերին և շփումներին, նշել է Կոլոննան: Նա կարևորել է ԿԽՄԿ գործունեությունը հումանիտար խնդիրների լուծման գործում.
«Առաջնահերթություն է մնում միջանցքի ապաշրջափակումը, Բաքվի և Երևանի միջև երկխոսությունը։ Մենք ԵՄ և ԱՄՆ գործընկերների հետ պատրաստ ենք օգտակար լինել»:
