Երեկ առավոտվանից «Ազգ»ի կայքէջը չի գործում. hosting-ային ծառայությունը ընդհատել է կապը աննախադեպ հարձակումների պատճառով, որոնք բնականաբար վտանգում են նաեւ թերթի «հյուրընկալ» arminco-ի ծառայությունը:
Թշնամական հարձակումները, որոնք մատնացույց են անում միանգամից երկուՙ Ադրբեջանի եւ Թուրքիայի ուղղությունները, վերջին շրջանում սաստկացել են հայկական կարեւորագույն լրատվամիջոցների վրա, համացանցային տիրույթում: Դրանցից առաջիններից մեկն է «Ազգ»-ը, որ տարիներ շարունակ մեծ փորձ է կուտակել հատկապես ադրբեջանական հարձակումները դիմագրավելու գործում:
Դժբախտաբար առայժմ չենք կարող որեւէ ժամկետ նշել կայքէջի աշխատանքների վերսկսման մասին: Մեր ընթերցողների ներողամտությունն ենք հայցում եւ վստահեցնում, որ hosting-ային ծառայության աշխատակիցների հետ ամեն ինչ անում ենք կայքէջը վերականգնելու ուղղությամբ:
