Ռուսաստանը կողմ է Անդրկովկասում տնտեսական և տրանսպորտային կապերի ապաշրջափակմանը. Ալմաթիում Հայաստանի վարչապետ Նիկոլ Փաշինյանի հետ հանդիպմանն ասել է ՌԴ վարչապետ Միխայիլ Միշուստինը։
«Մենք ավանդաբար հանդես ենք գալիս Անդրկովկասում տնտեսական և տրանսպորտային կապերի ապաշրջափակման օգտին: Կարևոր ենք համարում ապահովել Ռուսաստանի, Հայաստանի և Ադրբեջանի ղեկավարների կողմից ձեռք բերված պայմանավորվածությունների կատարումը»,- ասել է նա:
Միշուստինն ընդգծել է, որ նոր տրանսպորտային և ենթակառուցվածքային ուղիների ստեղծումը բխում է տարածաշրջանի բոլոր պետությունների շահերից։
