Բաքվի սադրանքին Իրանի պատասխանը չուշացավ. արդեն ձերբակալվել են Ադրբեջանի եւ մի շարք այլ երկրների քաղաքացիներ։
Իրանական Tasnim լրատվական գործակալության փոխանցմամբ՝ Իրանի Իսլամական հեղափոխության պահապանների կորպուսը ձերբակալել է հակապետական խմբավորման անդամների, որոնք երկրում դիվերսիոն գործողություններ էին ծրագրում։
Իսլամական հեղափոխության պահապանների կորպուսի ստորաբաժանումը խնդրել է Իրանի Կենտրոնական հետախուզական վարչությանը ձերբակալել հակապետական խմբավորման անդամներին, ովքեր փորձում էին զենք ձեռք բերել՝ օտարերկրյա գործակալների ղեկավարությամբ ահաբեկչական հարձակումներ իրականացնելու համար:
Նշվում է, որ այս խմբի անդամները ծրագրել էին Իրանում իրավիճակն ապակայունացնելու համար մի շարք գործողություններ իրականացնել, նրանց առջեւ խնդիր էր դրվել անջատել ինտերնետ կապը եւ էլեկտրոնային հսկողության սարքերը։
Գործակալությունը հայտնել է, որ հինգ հիմնական անդամներ ձերբակալվել են և հանձնվել դատական մարմիններին: Խմբի եւս երկու գործակալ փախուստի է դիմել, այժմ հետախուզման մեջ են։
Հատկանշական է, որ Բաքվում, լրտեսության մեղադրանքով, քաղաքացիներ են բերման ենթարկվել։
