Իրանի իշխանությունները հայտնել են երկրում բողոքի ակցիաների մասնակցի առաջին մահապատժի մասին. հաղորդում է իրանական IRNA գործակալությունը:
Մոհսեն Շիկարին դատապարտվել է անվտանգության ծառայության աշխատակցի վրա հարձակման եւ Թեհրանում փողոց փակելու համար։ Քննության վարկածով՝ տղամարդը մաչետեով հարձակվել է իրավապահի վրա եւ վիրավորել նրան:
Ավելի վաղ Իրանի դատարանը մահապատժի էր դատապարտել բողոքի ակցիաների 5 մասնակցի՝ կապված բարքերի ոստիկանության աշխատակցի մահվան հետ: Եվս 11 մարդ երկարատեւ ազատազրկման է դատապարտվել։
Amnesty International-ի տվյալներով՝ ցույցերին մասնակցելու համար ձերբակալվածներից առնվազն 28-ը կարող է մահապատժի ենթարկվել։
Միջազգային իրավապաշտպան կազմակերպությունները կարծում են, որ Իրանը մահապատիժ է կիրառում բողոքող բնակչությանը վախեցնելու համար։ Իրավապաշտպանների տվյալներով՝ 2022 թվականին Իրանում մահապատժի է ենթարկվել ավելի քան 500 մարդ։
News.am
