Քաղաքացիները շարունակում են կամայական շինարարություն իրականացել: Ամիրյան փողոցում համայնքային հողի փոխարեն հիմա էլ բազմաբնկարանի տանիքներին են ինքնակամ շինություն տեղադրել. այսօրվա գործակարգավարական խորհրդակցության ժամանակ ասաց Երևանի քաղաքապետ Հրաչյա Սարգսյանը:
Պարզվում է՝ քաղաքացին կտուրի նկատմամբ սեփականության վկայական ունի:
«Կրակն ենք ընկել ձեռը: Ամիրյան փողոցի վրա… կարելի՞ է էդքան չսիրել Երևանը, ես չեմ պատկերացնում: Ինչ է թե մի քանի քմ ավել բուդկա ունենա, չուլան դնի էլի երևի, զիբիլը լցնեն էդ իրանց բանի մեջ»,- նշեց քաղաքապետը:
Ամբարձիչը տարեք, ապամոնտաժեք. հանձնարարեց քաղաքապետ Սարգսյանը:
«Ասեք՝ ինչ է պետք, ես անձամբ կգամ էնտեղ, տեսնեմ էդ քաղաքացին ինչի է այլանադակում քաղաքը: Պիտի դատի տա՞ն, թող դատի տան ինձ»- ասաց Հրաչյա Սարգսյանը:
