Զասը պաշտոնավարումն ավարտեց

«Ստանիսլավ Զասն ավարտում է ՀԱՊԿ գլխավոր քարտուղարի եռամյա գործունեությունը, ուզում եմ շնորհակալություն հայտնել նրան կատարած աշխատանքի համար»,-ՀԱՊԿ գագաթնաժողովում հայտարարեց ՀՀ վարչապետ Նիկոլ Փաշինյանը։

ՀԱՊԿ գլխավոր քարտուղարի պաշտոնում Ստանիսլավ Զասին 2023 թվականից կփոխարինի Ռուսաստանում Ղազախստանի նախկին դեսպան Իմանգալի Տասմագամբետովը՝ երեք տարի ժամկետով։

Հիշեցնենք, որ Զասը ներկայացնում էր Բելառուսը:

Իսկ Իմանգալի Տասմագամբետովը ՌԴ-ում Ղազախստանի արտակարգ և լիազոր դեսպան է եղել 2017-2019 թվականներին։ Հիմա նա ռուսական «ԿամԱԶ» ՓԲԸ-ի տնօրենների խորհրդի անդամ է: Տարբեր տարիներին զբաղեցրել է Ղազախստանի վարչապետի, Աստանայի և Ալմաթիի քաղաքապետների պաշտոնները։