Մոսկվայի հիվանդանոցներից մեկում գտնվող 82-ամյա Արմեն Ջիգարխանյանը հայտարարել է, որ իր կինըՙ իրենից 44 տարով փոքր Վիտալինա Ցիմբալյուկ-Ռոմանովսկայան, շատ վատ մարդ է եւ գող: ԽՍՀՄ ժողովրդական արտիստը նշել է, որ ինքը հիվանդանոցից հետո չգիտի, թե ուր պետք է գնա, քանի որ Վիտալիան նրանից խլել է երկու բնակարանները: Ջիգարխանյանը պատմել է, որ ամուսնությունից հետո, ինքը Վիտալինային դարձրել է Մոսկվայիՙ Արմեն Ջիգարխանյան թատրոնի տնօրեն, ապա նրա անունով դարձրել իր ողջ ունեցվածքը, ինչից հետ էլ սկսվել է այս ամենը: Նա անգամ իմ գրպանից էր գողություն անում,- ասել է Ջիգարխանյանը,- եւ չէր թողնում, որպեսզի ես մտնեմ իմ անունը կրող թատրոնը:
Սակայն Ջիգարխանյանի քույրըՙ Մարինա Ջիգարխանյան , հայտնել է, որ Վիտալիան իրականում շատ լավ մարդ է, որ Վիտալինայի եւ իր եղբոր միջեւ որեւէ վեճ չի եղել: Տիկին Մարինան հայտնել է, որ պարզապես իր եղբոր մոտ վերջերս նկատվում է ոչ ադեկվատ խոսք եւ գործ:
Վիտալինան այս ամենի մասին լռում է:
