«Թաթոյան» հիմնադրամն ու Ցեղասպանության կանխարգելման Լեմկին ինստիտուտը ստորագրել են հուշագիր
Իրավունքի և արդարության կենտրոն «Թաթոյան» հիմնադրամի տնօրեն Արման Թաթոյանն ու Ցեղասպանության կանխարգելման Լեմկին ինստիտուտի համանախագահներ Վիկտորիա Մասսիմինոն և Էլիսա ոն Յոդեն-Ֆորգին կնքել են համագործակցության հուշագիր։ Այս մասին հայտնում են «Թաթոյան» հիմնադրամից։
Հուշագրի նպատակներից է ցեղասպանությունների կանխարգելումն է ու վերականգնողական արդարադատության խթանումը։
Հուշագրի շրջանակներում կտարվեն համատեղ փաստահավաք աշխատանքներ, կիրականացվի համագործակցույթուն մարդու իրավունքների պաշտպանության, զեկույցների պատրաստման և հետազոտական այլ աշխատանքների հարցում։
Տեղի կունենան միջոցառումներ` կոնֆերանսներ, աշխատակիցների կարողությունների զարգացում, աշխատաժողովներ, որոնք ուղղված են ցեղասպանության կանխարգելման վերաբերյալ համաշխարհային իրազեկության բարձրացմանը։
Նախատեսվում է, որ միջազգային հարթակներում ևս կիրականացվի համատեղ աշխատանք՝ նպաստելու համար մարդու իրավունքների խախտումների և միջազգային հանցագործությունների համար պատասխանատվությանը՝ միջազգային, այդ թվում` մարդասիրական իրավունքին և մարդու իրավունքներին համապատասխան:
