Վահագն Հովակիմյանը դադարեցնում է անդամակցությունը «Քաղաքացիական պայմանագիր» կուսակցությանը, քանի որ խմբակցությունը Հայաստանի ԿԸՀ նախագահի պաշտոնում առաջադրել է նրա թեկնածությունը

Ըստ ՀՀ Սահմանադրության՝ ՀՀ ԿԸՀ անդամներն իրենց լիազորություններն իրականացնելիս չեն կարող լինել որևէ կուսակցության անդամ։

ՔՊ-ից դուրս գալու դիմումը Հովակիմյանը ներկայացրել է կուսակցության վարչության նախագահ Սուրեն Պապիկյանին, իսկ ՀՀ Ազգային ժողովի նախագահ Ալեն Սիմոնյանին է ներկայացրել խորհրդարանի պետական-իրավական հարցերի մշտական հանձնաժողովի նախագահի տեղակալի պաշտոնից և պատգամավորի պաշտոնից հրաժարականի դիմումը:

📌ԿԸՀ նախագահ Տիգրան Մուկուչյանի պաշտոնավարման ժամկետը լրանում է հոկտեմբերի 12-ին․ նա այդ պաշտոնում է 11 տարի։