«Ի՞նչ է ճշմարտությունը», «Ինչո՞ւ է այն կարեւոր», «Կարո՞ղ ենք ապրել առանց դրան»:
«Կեղծ լրատվության» (fake news) եւ «այլընտրանքային փաստերի» (alternative facts) առատ հոսքի պայմաններում այս հարցերը գլխավոր մտահոգության թեմաներ են դարձել ներկայիս: Որոշ գիտնականներ եկել են այն եզրակացության, որ մենք այժմ ապրում ենք այսպես կոչված «հետ-ճշմարտության աշխարհում», որտեղ իրական փաստերը անտեղի են դարձել մեր կյանքում եւ մեր առաջնորդների գործողություններում: Իսկ ի՞նչ է նշանակում ապրել նման «հետ-ճշմարտության աշխարհում», կամ, որն առավել կարեւոր է, ինչպե՞ս ենք մենք պաշտպանելու իրական ճշմարտությունը եւ առաջ տանելու այն նման աշխարհում:
Մանհատենվիլ (Նյու Յորք) քոլեջի փիլիսոփայության ֆակուլտետը, Համաշխարհային կրոնների եւ քաղաքագիտության ֆակուլտետների հետ համատեղ ապրիլի 1-ին եւ 2-ին հատուկ ծրագիր է անցկացրել քննարկելու այս հարցերը Մերի Կլարքի անվան տարեկան դասախոսությունների շրջանակներում:
Ծրագրին մասնակցելու համար հրավիրվել են մարդու իրավունքների ամերիկացի պաշտպան Մերի Էլեն Բորկը, Նյու Յորքի գլխավոր դատախազի օգնական Արմեն Մորյանը, Պեդուա համալսարանի պրոֆեսոր, գրող Անտոնիա Արսլանը, Իտոն քոլեջի գրականության պրոֆեսոր Մարկո Լիվիերոն եւ ուրիշներ:
Քննարկումների ավարտին, ապրիլի 2-ին, դասախոսությամբ հանդես է եկել Անուշավան եպիսկոպոս Դանիելյանը: Դասախոսությունից առաջ հանդես է եկել հայկական պարային համույթը:
Նկար 1. Անտոնիա Արսլան
