Ա. ՀՈՎՍԵՓՅԱՆ
Գերմանական հանրահայտ ԶԼՄ-ների առցանց տարածքում ապրիլի 24-ին հրատարակված տաnբեր հոդվածների թվում միայն n-tv անդրադարձավ նաեւ Էրդողանիՙ Օսմանյան կայսրությունում հայերի զանգվածային տեղահանությունը արդարացնելու ցինիկ մեկնաբանությանը. «Հայկական ավազակախմբեր եւ նրանց աջակիցներ» ձեւակերպումը կա հիշյալ հրապարակման մեջ, բայց դրա վերաբերյալ նույն օրը ՀՀ վարչապետ Փաշինյանի թվիթերյան գրառումը, որ Թուրքիայի նախագահի արդարացումը բնորոշում է որպես «ոչ միայն ժխտողականության նոր մակարդակ, այլ նաեւ մի ողջ ազգի սպանդի արդարացում», բացակայում է: «Նման բան հայտարարելը ապրիլի 24-ին ոչ միայն հայ ժողովրդին, այլեւ ողջ մարդկությանն ուղղված վիրավորանք է, անձամբ Էրդողանի կողմից հնչեցված ծայրահեղ ատելության խոսք»: ՀՀ վարչապետիՙ աշխարհին արձագանքելու կոչը դեռ սպասում է…
