Վերջերս լույս տեսավ Գիտական հոդվածների ժողովածու նվիրված Երեւան քաղաքին: Ժողովածուում զետեղված են Երեւանի 2800 ամակին նվիրված միջազգաjին գիտաժողովի զեկուցումները: «Երեւան 5» ժողովածուն նվիրված է Երեւանի 2800-ամյա հոբելյանին, 382 էջ:
Այն հրատարակվել է Երեւան քաղաքի պատմութան թանգարանի, ՀՀ ԳԱԱ պատմութան ինստիտուտի,Երեւանի պետական համալսարանի հետ համատեղ անցկացված գիտական նստաշրջանի նյութերի հիման վրա: Ժողովածուում ընդգրկված զեկուցումները ներկայացնում են Երեւանի պատմությունը, մշակույթը, ինչպես նաեւ ճարտարապետության, քաղաքաշինության, տնտեսության, ժողովրդագրության հարցեր:
Ժողովածուում տեղ են գտել հետաքրքրական եւ բովանդակալից բազմաթիվ գիտական հոդվածներ: Հ. Թումանյանը Երեւանում, Երեւանը հայ երաժշտության կենտրոն, Աշխարհասփյուռ հայության մայրաքաղաքը, «Մշակ» լրագիրը Երեւանի մասին եւ այլն: Տողերիս հեղինակի հոդվածը նվիրված է Երեւանի ջրաղացների պատմությանը: Ցավոք, ներկայումս Երեւան քաղաքում գործող ջրաղաց գոյություն չունի: Սակայն, Հրազդանի կիրճում կարելի է նախագծել եւ կառուցել նոր ջրաղաց ճարտարապետական բոլոր լուծումներով: Նրա միջոցով կարող ենք երեւանցիներին եւ զբոսաշրջիկներին ներկայացնել ջրաղացների մասին մեր դարավոր մշակույթը:
Ժողովածուն տպագրված է բարձր մակարդակով եւ կարող է դառնալ երեւանցիների, ինչպես նաեւ բնագավառով հետաքրքրվողների համար սեղանի գիրք:
Պատմաբան Թ. Հակոբյանի գրչին է պատկանում «Երեւանի պատմությունը» քառհատոր մեծածավալ աշխատությունը: Այն ընդգրկում է Երեւանի պատմությունը մինչեւ 1917թ.:
Երեւանը Հայաստանի մայրաքաղաք է հռչակվել 1918թ.: Կարելի է մտածել Երեւանի պատմության հինգերորդ հատորի մասին: Ներկայումս կան բոլոր նախադրյալները: Այն կարող է դառնալ յուրօրինակ նվեր ոչ միայն երեւանցիների, այլ նաեւ բոլոր հետաքրքրվողների համար: Կարելի է իրականացնել գրքի բաժանորդագրություն, ստեղծել խմբագրական հանձնաժողով եւ այլն:
