Փարիզի մէջ պիտի ցուցադրուի ֆրանսահայ կինոռեժիսոր Նարեկ Ոսկանեանի «Արմենիա Սակրա» (Սրբազան Հայաստան) ֆիլմը: Այս ռեժիսորին երկրորդ փաստավաւերագրական աշխատանքն է: Առաջին ֆիլմը` «Հայաստանի Գանձերը» որ ցուցադրուած էր Եւրոպայի տարածքին:
«Արմենիա Սակրան» 65 վայրկեան տեւողութեամբ փաստավաւերագրական ֆիլմ մըն է, որուն գլխաւոր թեման միջնադարեան հայկական ճարտարապետութիւնն է` եկեղեցիները, վանքերը, բերդերը եւ պատմութիւնը, ինչպէս նաեւ Հայաստանի բնութիւնը: Յուշարձաններու, եկեղեցիներու պատմութիւնը հայերէն լեզուով մանրամասնօրէն կը ներկայացնէ ֆրանսացի հանրայայտ օփերային երգիչ Մարիօ Հաքքարդը:
Յատկանշական է, որ ֆիլմի նկարահանումները Հայաստանի մէջ և Արցախի կատարուած են Ն.Ս.Օ.Տ.Տ. Գարեգին Բ կաթողիկոսի օրհնութեամբ և թոյլատրութեամբ: Արցախի մէջ նկարահանուած եկեղեցիներէն, վանքերէն, ամրոցներէն շատեր այժմ արդէն իսկ կը գտնուին Ատրպէյճանի բռնագրաւած տարածքներուն մէջ:
Ֆիլմը նկարահանուած է երկնքէն` թռչող սարքի օգնութեամբ եւ ցամաքէն: Ֆիլմը կը նպատակադրէ համայն հայութեան, և նաև օտարազգի հանդիսատեսին ծանօթացնել
Հայաստանի մշակոյթը, բնութիւնն ու պատմութիւնը: Ֆիլմին մէջ բացառիկ հարցազրոյցով հանդէս եկած է աշխարհահռչակ հայագէտ Ժան Փիեր Մահէն: Ֆիլմը ֆրանսերէն է, շուտով կը նախատեսուի թարգմանել նաև հայերէնի:
ՊԱՅՔԱՐ, 07 օգոստոս, 2022
