Հազար անգամ ներողութիւն պիտի խնդրեմ ընթերցողներէն այս գրառումը ներկայացնելուս համար: Վերջապէս այս ամօթալի երեւոյթը տեղ մը հասաւ, որ այլեւս անտեսել կամ թաքցնել անհնար էր: Վերջապէս նեխած բան մը եթէ երկար պահուի, կրնայ վնասել մարմնին, պալարը պատռելու է, որպէսզի թարախը դուրս թափի:
Դիմատետրի (Ֆէյսպուք) վրայ բռնուած բազմախօսութիւն մըն է, աւելի ճիշդՙ հայհոյանքներու փոխադարձ նետարձակում մըն է, որ անամօթ մարդիկՙ տղամարդ թէ կին, ամենայն ազատութեամբ հրապարակած են, եւ մարտադաշտին մէջ քաջագործութիւն կատարողներու պէս ալ իրենց գրածներով գոհունակութիւն ստացած:
Մէկը գրած էրՙ «թքեմ ………………… էլ ու նրան ընտրողներին էլ վրան…», ու ահա՛ թէ ինչ արձագանգ ունեցած է այդ «թուքը»: Կը տեղադրեմ այդ լեզուակռիւէն մաս մը, անունները զանց ընելով եւ առանց միջամտութեան, ինչպէս որ է, առանց լեզուական եւ ուղղագրական սրբագրութեան:
– այ էշ………..խեղտվես քո թքով
– թուրքի ծառայ
– այ օչխար թքեմ վրեդ համբալ
– այ տղա չափթ ճանաճիր, ով որ …………..ին ընտրել սաղ շռեն քո վրեն
– թքեմ վրեդ այ պոռնիկ էշի քուռակ ես դու հոքեկան
– խոզի դեմքով ոչնչ(ո)ւ թյ(ո)ւն ազգն էլ թքած (ո)ւնի քո վրա բաղնիքդ անուշ
– ժեխ
– այ որց կով անասուն Ծերեթելի կանգնածները քեզանից նամուսով են
– մենք քեզ վրա շատ շուտ ենք թքել, այ լալոշ, դու դեռ մարդու հաշիվում կա՞ս
– այ հաստագլուխ ավանակ
– անասուն
– գնա թքի հորտ մորտ վրա որ քո նման բոզի տղա են ունեցել, պապատ երեք ռուբլի չուներ տար մորտ քեզ աբորտ աներ
– թքի մորտ վրա այ լրբի վաստակ
– ժողովուրդն էլ թքի քո վրա պիդառած գանդոն
……………………………………………….
Ահա՛, այսպէ՛ս: Մաս մըն է այն թքարշաւէն, այն թուքի ու խայտառակութեան անձրեւէն: Ափսոս, ամօթ չունի՞ն այս մարդիկը, որոնք իրենց այս քզվռտալից գրառումներով ոչ միայն կը խայտառակեն իրենք զիրենք, այլեւ երեւան կը հանեն այն լեզուական աղբանոցը, որ երթալով կը յորդի, երբ աղբահանող չկայ: Կը վնասեն մեր հայու նկարագրին, ընկերային կառոյցին, մեր մշակոյթին: Ոեւէ ընտրուող անձ, եթէ այսպիսի խուժանի կողմէ ընտրուած է, կողմ, թէ հակա, պէտք է ջնջէ անոնց քուէները, ո՛չ իրենց նեցուկը, ո՛չ ալ ընդդիմադրութիւնը:
Ու ամէն օր քիչ մը աւելի կը զգացուի մեր «նահանջը առանց երգի»… նահանջ բոլոր ասպարէզներուն մէջ անխտիր, այն աստիճան, որ երկրին մէջ իրենց մտաւորական, գրական, գիտական, գեղարուեստական եւ այլ ստեղծագործութիւններով լուսարձակողներուն լոյսը ակամայ կը պղտորի, երբ նժարին միւս կողմը երեւան այսպիսի մարդիկ, որոնց գռեհիկ, փողոցային լեզուն կը մատնէ, որ իրենց բոլոր գործերն ալ նոյն մակարդակի են, բաներ, որոնք երկիրը կը տանին կանխահաս փլուզումի:
