Դեկտեմբերի 22-ին այդ մասին տեղեկացրել է «Timeturk» կայքէջը: Ըստ տեղեկության, օրերս Մարմարա ծովի առափնյա Քոջաելի քաղաքի թաղերից մեկում շահագործման է հանձնվել քաղաքապետարանի կառուցած Դուդաեւի անունը կրող զբոսայգին: Դա խիստ զայրացրել Չեչենական Հանրապետության նախագահ Ռամզան Քադիրովին : Հիշեցնենք, որ Ջավհար Դուդաեւը եղել է Չեչնիայի առաջին նախագահը եւ զոհվել ռազմաճակատում, ռուսների դեմ պատերազմելիս:
Դուդաեւին իբրեւ ահաբեկիչ բնութագրող Քադիրովը զբոսայգու բացմանը Քոջաելիում, արձագանքել է սպառնալիքով: Այգու բացումից հետո նա Թուրքիային մեղադրել է «ահաբեկիչներին հովանավորելու» մեջ, ապա հայտարարել. «Մեր տեսանկյունից խիստ տրամաբանական եւ քաղաքական համարժեք պատասխան կլինի Թուրքիային եւ Էրդողանին, որ մենք Գրոզնիում անմահացնենք թուրքական իշխանությունների ցմահ բանտարկության դատապարտած Քուրդիստանի աշխատավորական կուսակցության հիմնադիր Աբդուլա Օջալանի անունը»:
Ի դեպ Կրեմլը, ինչպես «Առավոտ» թերթն էր նշել, միանգամայն արդարացի է համարել Քադիրովի արձագանքը Թուրքիային եւ նրա նախագահին: Ըստ «Առավոտ»-ի Ռուսաստանը դիվանագիտական խողովակներով իրազեկել է Թուրքիային, որ հավանություն չի տալիս թուրքական քաղաքներից մեկի այգին Դուդաեւի անունով կոչելու փաստին: Այս մասին հայտնել է ՌԴ նախագահի մամուլի խոսնակ Դմիտրի Պեսկովը :
