Շուրջ հինգ տարի առաջ էր, որ Խորանաշատում առաջին անգամ հարյուրամյակների ընդհատումից հետո, եպիսկոպոսական Սուրբ Պատարագ է մատուցվել։
Այսօր այն հնչեց կրկին, առիթը՝ Խորանաշատ վանական համալիրի հիմնադրման 800-ամյակն է: Խորանաշատում՝ թշնամու դիրքերից մի քանի տասնյակ մետր հեռավորության վրա, Բագրատ եպիսկոպոս Գալստանյանը Սուրբ Պատարագ մատուցեց, որին ունկնդիր եղան ՀՀ ԿԳՄՍ նախարար Վահրամ Դումանյանը, ՀՀ ԿԳՄՍ նախարարի տեղակալ Արա Խզմալյանը, այլ պաշտոնյաներ և բազմաթիվ հյուրեր մայրաքաղաքից և մարզերից:
Պատարագին հաջորդեց Անդաստանի արարողությունը՝ աշխարհի չորս կողմերի օրհնության կարգը: Այն կատարվեց Սուրբ Խաչով և «Խորանաշատի Ավետարան»-ով, Չինարիի համայնքապետարանին հարակից տարածքում: Ի դեպ, «Խորանաշատի Ավետարանը» (1224թ.): Չինարի էր բերվել Մեսրոպ Մաշտոցի անվան Մատենադարանից, հատուկ այս արարողակարգն իրականացնելու համար:
Օրն ամփոփվեց հոգևոր երաժշտությամբ: Երեկոյան, Չինարի գյուղի մշակույթի տանը ծրագրի մասնակիցները հնարավորություն ունեցան ունկնդրելու Երևանի Պետական Կամերային երգչախմբի հոգեթով կատարումները:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
Թշնամուց ընդամենը 500 մետր հեռու գտնվող Խորանաշատում Սուրբ Պատարագ մատուցվեց
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական