ՀՀ վարչապետ Նիկոլ Փաշինյանը, ՀՀ նախագահ Վահագն Խաչատուրյանի, ԱԺ նախագահ Ալեն Սիմոնյանի, կառավարության անդամների, ՔՊ-ական պատգամավորների ուղեկցությամբ այցելել է «Եռաբլուր» պանթեոն եւ հարգանքի տուրք մատուցել պատերազմում զոհվածների հիշատակին:
Նիկոլ Փաշինյանը ծաղիկներ է դրել Սպարապետ Վազգեն Սարգսյանի, Անդրանիկ Օզանյանի շիրիմներին և զոհված ազատամարտիկների հիշատակը հավերժացնող հուշահամալիրին:
Նշենք, որ այս անգամ ևս լրատվամիջոցներին թույլ չեն տվել լուսաբանել այցը, նկարահանել, առավել ևս հարցազրույց վերցնել բարձրաստիճան պաշտոնյաներից։
44-օրյա պատերազմում զոհված զինծառայողների հարազատները տեղեկություն են տարածել, որ եկել են Եռաբլուր, որպեսզի հանդիպեն Նիկոլ Փաշինյանի հետ, սակայն իրենց խոսքով՝ «նա փախել է»։
Կառավարության տարածած տեսանյութում չի երևում, որ բարձրաստիճան պաշտոնյաներն այցելել են 44-օրյա պատերազմում զոհված զինվորների շիրիմներին։
