Արցախի անվտանգության խորհրդի նախկին քարտուղար Սամվել Բաբայանը հրաժարվել է մասնակցել 44-օրյա պատերազմի քննիչ հանձնաժողովի աշխատանքներին, այս մասին Բաբայանն ասել է «Ազատություն» ռադիոկայանի հետ զրույցում։
«Մի քանի պատճառ կա, որ չեմ ուզում մասնակից լինել։ Հիմա չեմ ուզում բարձրաձայնեմ, կգա օրը, կխոսեմ էլի»,– ասել է Բաբայանը, որը 44-օրյա պատերազմի օրերին եղել է Արցախի անվտանգության խորհրդի քարտուղարը։
Սամվել Բաբայանը նշել է, որ իր որոշումն անձնավորված չէ, պարզապես խաղի կանոնները չեն պահպանում։ «Կան խաղի կանոններ, եթե խաղի կանոնները չեք պահում, չի ստացվում։ Եթե ինչ–որ մեկն անուն ունի խայտառակ անելու, ես չունեմ»,– ասել է նա։
News.am
