Հայաստանում թուրքերն անշարժ գույք են ձեռք բերել։ Այս մասին լրագրողների հետ զրույցում ասաց Էկոնոմիկայի նախարար Վահան Քերոբյանն՝ անդրադառնալով շրջանառվող լուրերին, թե վերջին շրջանում թուրքերը Հայաստանում կապիտալ են ձեռք բերում։
«Միշտ եղել է, օրինակ՝ անշարժ գույք, ընկերություններ»,- ասաց Քրեոբյանը՝ հայտարարելով, որ Հայաստանի տնտեսությունն այդ առումով Թուրքիայի համար միշտ բաց է եղել, բացի՝ 2021թ-ից, երբ կառավարությունը թուրքական ապրանքների ներմուծման նկատմամբ «էմբարգո» կիրառեց։
«Եթե գնաք «Փեթակ», այնտեղ ժողովուրդը 10 տարի առաջ էլ բավական գործնական հարաբերություններ է ունեցել իրենց թուրք գործընկերների հետ»,– ասաց Քերոբյանը։
Աղբյուր` Փաստինֆո
