«Ղազախստանի հպարտ քաղաքացիները կործանում են Ղազախստանի պետականությունը». Արթուր Ղազինյան

«Հայաստան» խմբակցության պատգամավոր Արթուր Ղազինյանը ֆեյսբուքյան իր էջում գրել է․

Ղազախստանի հպարտ քաղաքացիները կործանում են Ղազախստանի պետականությունը:

Եթե առաջիկայում զանգվածային բողոքի ակցիաները չմարեն և արտաքին (թուրքական) ուղղորդմամբ վերածվեն հակառուսականության պոռթկման, ապա այս ամենը, անխուսափելիորեն, կավարտվի մեծ ողբերգությամբ:

Ղազախստանի բնակչության 24%-ն էթնիկ ռուսներ են, որոնք առավելապես բնակվում են երկրի հյուսիսային մասում՝ ՌԴ սահմանին: Իսկ Ռուսաստանը շատ նրբանկատ է իր հայրենակիցների հարցում և հաստատ մենակ չի թողնի թուրք-ղազախական ազգայնականների հետ պայքարում:

Հ. Գ. Ո՞նց են մարդիկ այսքան հեշտ հրաժարվում պետականությունից…:

ԱԺ նախկին պատգամավոր Արման Վլադիմիրի Աբովյանն էլ գրել է.

Կտրուկ սրվել է իրավիճակը Ղազախստանում։ Գրեթե բոլոր խոշոր քաղաքներում հենց այս պահին զանգվածային անկարգություններ են տեղի ունենում։ Տասնյակ հազարավոր ղազախստանցիներ դուրս են եկել փողոցներ և վանկարկում են հակաիշխանական «լոզունգներ»։

Հիշեցնենք, որ խնդիրը ծագել է Ղազախստանի նախագահ Տոկաևի այն որոշումից, համաձայն որի, համարյա երկու անգամ թանկացել է հեղուկ գազի գինը բնակչության համար։

Ճիշտ է, թանկացման որոշումն արդեն չեղարկվել է, սակայն մարդիկ միևնույն է շարունակում են զանգվածային բողոքի ակցիաները։
Մի խոսքով, Ղազախստանում նույնպես Ապագա Կա՛։

https://www.facebook.com/100026958313017/videos/pcb.946163069625628/318465130172047

https://www.facebook.com/100026958313017/videos/pcb.946163069625628/633786757769858

https://www.facebook.com/100026958313017/videos/pcb.946163069625628/411570227330864

https://www.facebook.com/100026958313017/videos/pcb.946163069625628/892749271354113

https://www.facebook.com/100026958313017/videos/pcb.946163069625628/1881081458766473