Ավտոբուսների վարարոդների գործադուլն ավարտվեց։
Նրանք դադարեցրեցրել են բողոքի ակցիան՝ հայտարարելով, որ իրենց խնդիրները լուծված են։
Քաղաքապետարանի պաշտոնյայի հետ Ջրվեժի ավտոպարկում տեղի ունեցած բանակցություններից հետո հայտարարվեց, որ խնդիրները լուծվել են եւ վարորդները երթուղի են դուրս գալիս:
Վարորդներից մեկն ասել է. «Աշխատավարձը բարձրացել է, առաջին շարքը բաց է լինելու, զուգարանների հարցը լուծվելու է, վարորդի վրա մուննաթ չեն գալու՝ ստեղ կպահես»։
Հիշեցնենք, որ դեկտեմբերի 13-ին, վաղ առավոտից Երևանի որոշ երթուղիներ սպասարկող ավտոբուսների վարարորդները գործադուլ էին հայտարարել, դուրս չեն եկել երթուղի՝ պահանջելով վերանայել իրենց աշխատավարձերը, լուծել զուգարանների հարցը, ինչպես նաև բարելավել աշխատանքային պայմանները։
Ավելի ուշ քաղաքապետի խոսնակ Հակոբ Կարապետյանը գրառում էր արել՝ նշելով. «Այսօր առավոտվանից հանրային տրանսպորտի մի շարք երթուղիներ չեն աշխատում՝ վարորդների բոյկոտի պատճառով։ Վարորդները պահանջում են աշխատանքային պայմանների բարելավում, մասնավորապես, աշխատավարձի բարձրացում։ Ներկայումս քաղաքապետարանը հանրային տրանսպորտի վարորդներին վճարում է մաքուր (հարկերը հանած) շուրջ 260 000 դրամ աշխատավարձ՝ 15 օրվա աշխատանքի համար։
Մեր տեղեկությունների համաձայն, որոշ վարորդներ պահանջում են նաև վերադառնալ վճարման նախկին «պլանային» համակարգին, երբ վարորդը ստանում էր նվազագույն աշխատավարձ եւ ուղեվարձերից «սև» եկամուտ։ Նմանատիպ սաբոտաժը ծայրահեղ անընդունելի է և չի կարող արդյունք տալ»:
