ՀՀ ԱԳՆ-ն, Ալիևի հարցին, թե ե՞րբ է բացվելու Զանգեզուրի միջանցքը, պատասխանել է.«Հայաստանը Ադրբեջանին միջանցք, միջանցքային տրամաբանության ուղի տրամադրելու որևէ պարտավորություն չունի:
Նոյեմբերի 9-ի հայտարարության մեջ որևէ պայման, պայմանավորվածություն չկա:
Խոսքը տարածաշրջանի բոլոր տնտեսական և տրանսպորտային կապերը ապաշրջափակելու պայմանավորվածության մասին է: Եվ որ Հայաստանը երաշխավորում է Ադրբեջանի արևմտյան շրջանների և Նախիջևանի ինքնավար հանրապետության միջև տրանսպորտային հաղորդակցության անվտանգությունը»:
Հայաստանի Արտաքին քաղաքական գերատեսչությունն Ադրբեջանին կոչ է անում զերծ մնալ սադրիչ հռետորաբանությունից և գործողություններից:
