Ռոբերտ Փիլիպոսյանը ոսկե մեդալ է նվաճել աշխարհի մինչև 16 տարեկան պատանիների արագ շախմատի առաջնությունում. հայտնում են Հայաստանի շախմատի ֆեդերացիայից։
Ռոբերտը 11 հնարավորից վաստակել է 8.5 միավոր:
Աշխարհի պատանիների արագ շախմատի առաջնությունում մրցանակակիրների շարքում են նաև Ալեքս Սահակյանը (մինչև 18 տարեկան տղաներ) և Մարիամ Խաչատրյանը (մինչև 16 տարեկան աղջիկներ)։
11 հնարավորից Ալեքսը վաստակեց 8.5 միավոր և կիսեց 3-4-րդ հորիզոնականները: Սակայն լրացուցիչ ցուցանիշներով Ալեքսը զբաղեցրեց 4-րդ հորիզոնականը:
Մարիամը վաստակեց 7 միավոր և կիսեց 4-5-րդ հորիզոնականները: Լրացուցիչ ցուցանիշներով Մարիամը զբաղեցրեց 4-րդ հորիզոնականը:
