Արդեն փաստաբանական երկորրդ խումբն է դադարեցնում 44-օրյա պատերազմում զոհված զինծառայող Ժորա Մարտիրոսյանի մոր Գայանե Հակոբյանի պաշտպանությունը։ Հիշեցնենք, որ փաստաբաններ Վահան Հովհաննիսյանը, Ռուբեն Մելիքյանը և Վահան Գևորգյանը մայիսի 23-ին հայտարարեցին, որ դադարեցնում են Գայանե Հակոբյանի պաշտպանությունը։
Այսօր էլ փաստաբաններ Հովսեփ Սարգսյանը և Գեորգի Մելիքյանը դատարանի դահլիճից դուրս գալով, հայտարարեցին, որ իրենց փաստաբանական խումբն այլևս չի պաշտպանելու Գայանե Հակոբյանին։ Պաշտպանները կարծում են, որ այս գործով հանցակազմը բացակայում է։
Լրագրողի հարցին՝ եթե պաշտպանները գտնում են, որ արդարացման հիմքով պետք է շարունակել գործի քննությունը, իսկ Գայանե Հակոբյանն այլ դիրքորոշում ունի, կարո՞ղ ենք ենթադրել, որ նա ընդունել է մեղքը, պաշտպաններն արձագանքեցին՝ միգուցե ձեր ենթադրությունները ճիշտ են, բայց մենք նման բան չենք ասել:
Նրանք ոչինչ չասացին՝ ինչ է կատարվել, ինչու է Գայանե Հակոբյանն այսկերպ արդեն երկրորդ անգամ հրաժարվում պաշտպանների ծառայությունից։
Պաշտպանները մտադիր էին արդարացման հիմքով շարունակել իրենց գործունեությունը, սակայն դեպքերն այլ ընթացք ստացան։ Նրանք դատական նիստից կես ժամ առաջ են իմացել, որ նիստը դռնփակ է լինելու։
Լրագրողների հարցին՝ միգուցե Աշոտ Փաշինյանը փոխե՞լ է միտքը և դատարանին ասի, որ Գայանե Հակոբյանի խափանման միջոց կալանքը փովի՞։ Պաշտպանները դիտարկումը չհերքեցին։
Եթե Գայանե Հակոբյանը հրաժարվում է պաշտպանների ծառայությունից, ապա գործը պետք է շարունակի հանրային պաշտպանը։ Բնականաբար, առանց պաշտպանի, գործի քննությունն ընթանալ չի կարող։ Ի՞նչ դիրքորոշման մասին է խոսքը, որն այդքան տարբեր է փաստաբանական արդեն երկրորդ խմբի դիրքորոշումից։
Գործի հետ առնչություն չունեցող փաստաբանները կարծիք են հայտնում՝ միգուցե Գայանե Հակոբյանի վրա ճնշումնե՞ր են գործադրվել, այդ պատճառով է նա հրաժարվում պաշտպանների ծառայութուններից։
