ՊՆ N զորամաս ստուգայցի շրջանակում պաշտպանության նախարար Սուրեն Պապիկյանը մայիսի 5-ին առանձնազրույցներ է ունեցել զորամասի սպայական կազմի հետ. տեղեկանում ենք Պաշտպանության նախարարությունից։
Առանձնազրույցների ընթացքում նախարար Պապիկյանն անդրադարձել է ԶՈւ մարտունակության բարձրացմանն ու կարգապահության ամրապնդմանն ուղղված աշխատանքներին, ինչպես նաեւ սպաների ծառայությանն առնչվող մի շարք հարցերի:
Պաշտպանական գերատեսչության ղեկավարը սպաների հետ զրուցել է նաեւ նրանց սոցիալ-կենցաղային պայմանների շուրջ:
Ստուգայցի ընթացքում պաշտպանության նախարարը ճաշել է պարտադիր ժամկետային զինծառայողների հետ:
Այնուհետեւ հերթական արձակուրդ մեկնող, ուսումնական գործընթացում աչքի ընկած զինծառայողներին նախարարը պարգեւատրել է արժեքավոր նվերներով:
